20150927 New Balance 10km

4點左右就醒左 掛住睇IPHONE賣唔賣得出搞到最後落到觀塘都幾趕
仲要發現架車係停係1期 唔係APM (姐係6期)
上左車坐左半個鐘左右就到 好快

一車車城巴載左好多人黎跑

不過5點半等到成7點20先開跑真係幾耐
7點等睇挑戰組開賽 之後唔知點解肚痛 好彩借到紙巾

7點20開跑 今次用左53分56秒完成
基本上係維持係5分半 per km既速度 可能因為 1.練習唔夠 2.擒日操完腳 3.太濕太熱既原因
6km左右就開始覺得辛苦 然後去到8km打後基本上係捱埋佢
好彩速度都唔算降得好犀利

途中見到有D女仔化哂妝黎跑 又有D女仔帶哂漁夫帽怕哂黑 都幾搞笑
可能都係10KM 同埋係運動牌子搞既比賽都幾多人行路 不過行路其實應該要企埋一二邊 呢D跑步常識真係唔知幾時先可以傳達到出去

途中跑到迪欣湖都覺得幾靚 D情侶拍住拖咁黎跑 仲停低影相 都幾sweet
又有D人拖住手黎跑...真係眼都盲埋

跑完有毛巾一條 梨同水
因為真係太熱 要除左件衫係度吹乾之後先走 因為無帶衫既關係 仲要著返件濕衫真係好難頂

坐R11巴士出返去 成$38
個比賽就120 + 巴士25 + 38 = $183 都幾抵 係時間上可以唔洗咁早上巴士囉...

係出返旺角既途中 隔離個女仔好臭 佢仲自己個FRD講自己好臭 (我知呀, 聞到啦 X_X)
對面又有一PAIR情侶一齊跑完仲要係我面前鍚鍚 唉~叫我情何以堪?

Anyway, 最後拎左兩部IPHONE6S出去賣 好彩大金128賣到8200 (雖然係地鐵站交收, 都幾驚係假銀紙, 好彩最後都成功存到) 細銀16就蝕啦 賣得5200... 加埋蝕$276

算~

The Shawshank Redemption (1994)

有兩幕

I guess it comes down to a simple choice: get busy living or get busy dying.

Andy's letter:
Hope is a good thing maybe the best of things and no good thing ever dies.

https://zh.wikiquote.org/zh-hk/%E5%88%BA%E6%BF%801995

• 監獄裏的高牆實在是很有趣。剛入獄的時候，你痛恨周圍的高牆；慢慢地，你習慣了生活在其中；最終你會發現自己不得不依靠它而生存。這就是體制化。
• 原文：These walls are kind of funny like that. First you hate them, then you get used to them. Enough time passed, get so you depend on them. That's institutionalized.
• 
  

• 我發現自己是如此的激動，以至於不能靜靜地坐下來思考。我想只有那些重獲自由即將踏上新征程的人們才能感受到這種即將揭開未來神秘面紗的激動心情。我希望跨越千山萬水握住朋友的手，我希望太平洋的海水如同夢中的一樣藍：我希望……
• 原文：I find I'm so excited. I can barely sit still or hold a thought in my head. I think it's the excitement only a free man can feel, a free man at the start of a long journey whose conclusion is uncertain. I hope I can make it across the border, I hope to see my friend, and shake his hand. I hope the Pacific is as blue as it has been in my dreams. I hope.

本片之導演 Frank Darabont, 曾執導過, 數部由驚慄大師 Stephen King 小說改編的電影, 例如有"The Green Mile" (綠里奇跡) 與及 "The Mist" (霧地異煞), 但筆者卻認為, "The Shawshank Redemption" 實乃他的畢生代表之作!

修養與內涵

閱讀使人擁有更多體驗 所以才有讀萬本書不如行萬里路之說 兩者之間所擁有的可比性就在於都能增加人生的經驗 經歷

除了讀書 我認為看電影亦有異曲同工之妙 相比起來書本更能帶給我的是思考和幻想 而電影則更能帶出一些豐富的情感 這些益處都是能使我們的人生更深厚一些 活得更有味道

因此我想為自己建立兩個習慣
一、每兩周欣賞一套電影
二、每天閱讀十頁書

這兩個習慣仍在形成初期 偶爾因工作繁忙或者偷懶而放棄
雖然如此 還是看了幾套電影和書

在選電影方面比較簡單 從IMDB TOP 250中選取 已經有一定保證
希望看完電影除了簡單地寫寫自己感受之外 亦選3-5篇其他人的影評 加深對該電影的了解

選書方便比較複雜 因為書本太多 以往閱讀量太少 必須挑選一些好書 經典以盡量減少浪費時間於無營養的書上 計劃於2015年內先把自己屋企的書 + 書單上的書盡快閱讀完成

之後就花一段時間研究圖書館索書號000中經典推介的書藉 濃縮成一系統要閱讀的中外經典
由於閱讀經典的時間花比較長 建議於開始閱讀之前先查看維基百科對作者和該著作的大概內容有個了解 使閱讀起上來更容易吸收

Oxford vs Derby shoes

貪靚但懶既我開始學習西裝既知識 第一集由皮鞋開始
由於學習既時間有限 所以會將搵過既資料都記錄低 方便自己搵返

今次先會簡單兩種鞋
1. Oxford shoes 牛津鞋
2. Derby shoes 德比鞋

分別在於鞋頭, Oxford shoes係閉合式而Derby係開放式

點樣分? 睇下黑色個對鞋舌係唔會連接住表面既鞋皮
而啡色個對鞋舌係會連接住出面既鞋皮

所以OXFORD打左鞋帶之後就會將鞋舌完全封閉, 而DERBY就相對鬆D.

著落既效果就係OXFORD比DERBY更為正式D

仲唔明? 睇埋呢條片就一定明啦
https://youtu.be/cAidGZyvwaM?list=UUPLAYER_thegentlemansgazette
(話說呢個網都有好多男人西裝野睇http://www.gentlemansgazette.com/)

其他既花邊就以後有時間再講, 例如個名點黎 (有段歷史有個故既), 例如有咩變化款式等

補充資料:http://willya721.pixnet.net/blog/post/14778237-%E7%89%9B%E6%B4%A5%E9%9E%8B%E7%9A%84%E9%9B%95%E8%8A%B1%E9%A1%9E%E5%9E%8B%EF%BC%9Abrogue-shoes

http://www.gentlemansgazette.com/brogues-shoe-guide-men/#top

Eternal sunshine of the spotless mind // 無痛失戀 // 美丽心灵的永恒阳光

首先 其實我唔明點解呢套戲可以有咁多名 搵黎睇個陣真係好煩

呢套戲係2004年既劇黎

成套劇圍繞住既主題就係愛情 記憶 開心 痛苦

所謂既eternal sunshine of the spotless mind其實同『無知是一種幸福』大同小異
所謂無知可以係講對呢個世界無應有既認知 但其實亦可以解為無記憶, 自然就無應有既認知啦

一個人係無記憶既情況下 係幸福既 係開心既
至於呢套劇因為主角唔開心所以希望洗去記憶 去到最尾發現記憶都有好多開心既部份 所以唔想忘記佢

說到底就係愛情就由一堆回憶所組成 當中有喜有悲 所謂福禍相依就係咁既意思
無任何一段愛情係只有傷痛 亦唔會淨係有高興 兩者一家係相輔相成同時存在

而去到最尾兩個主角係走廊個下 就算大家知道大家一齊會有咁多沖突都想係埋一齊
一聲okay就代表左接納 包容

我主觀地覺得首片尾曲: everybody's gonna learn sometimes 呢句歌詞就係講緊人係需要學習 做錯左亦可以修正 好似最終結果咁 係可以修補

http://v.pps.tv/play_3586WI.html

失戀33天 review

失戀33天係我響台灣旅行期間睇既一套愛情小品

主線劇情就係講女主角黃小仙發現未婚夫同佢閨蜜有外遇 然後分手 情緒思潮起伏 係分手康復期間同男主角發生既故事 最後同男主角王小賤一齊

支線劇情[1]有扮可愛既女人同有錢男人一齊

支線劇情[2]有老公公老婆婆既故事

支線劇情[3]有黃小仙老闆既一段離異婚姻同家庭

女主角係典型既『鱷魚頭 老襯底』明明曾經好愛未婚夫 但分手既時刻又要充大頭扮惡扮無事

當愛情個案分析

前段 未婚夫唔知有冇同黃小仙講出黃小仙既問題 但呢個係未婚夫既責任去表達自己想要乜 對方應該點樣改善自己去磨合對方

後段 未婚夫外遇而且瞞住黃小仙當然係唔正確 因為如果問題係響佢同黃小仙之間 應該分手了斷 而唔係尋求第三者"協助" 所以黃小仙對佢破口大罵亦唔怪得佢

係黃小仙同未婚夫既故事 有一個TERM經常出現 就係自尊心

唔知點解我覺得黃小仙對自尊心有一個錯誤既認知

自尊心唔代表要不顧一切咁去維持自己既所有野 呢種係固執 心胸狹窄

某程度上我覺得自尊心係一種保護機制 確保自己唔會受傷(情感上) 但現實生活中面對愛情雙方有好多野互相評價既時候可以係善意 唔係攻擊 更加唔洗起哂"鋼"

到黃小仙係後面一幕喪追未婚夫頓悟自己既錯誤既時候 就一腦子將自己所有野推翻, 繼而講出 『我不再要那一擊即碎的自尊，我的自信也全部是空穴來風，我能讓你看到我現在有多卑微，你能不能原諒我？』好明顯就係由一個極端達到另一個極端

而係條片入面, 黃小仙呢種愛情性格係無明顯既改善, 或者過份隱含啦, 王小賤到最後係天台俾佢驚喜既一幕 黃小仙識得講多謝 算唔算得上係分手後既成長? 或者係啦 但比較淺 無乜反思位

更甚既就係其實我覺得王小賤同黃小仙既愛情係比我想像中更無里頭 唔知點解一齊左...

『我突然明白了一個道理，這段感情裏，沒有人全身而退，我曾經是他的夢想，關於未來的每一幕裏，他都希望我的出現，而到了結尾時，我們通通慘敗，我毀掉的，是他關於我的這個夢想；而他欠我的，是一個本來承諾好的世界。』 - 呢段係吸引我睇套戲既一段quote亦係黃小仙對分手之後既成長一部份

簡結:

其實愛情有唔同種類 型型式式乜都有 就同我地每一個人一樣 每一個人係呢個世界上都有唔同既色彩 亦係建構我地呢個世界既元素 就好似大自然入面各種花花草草都有唔同既特性一樣

於我而言愛情係個人成長既一個重要部份 人係需要呢段經歷去築成圓滿人生

因為愛情呢條道路 你唔單單需要同你既另一半去溝通 更重要既係你同你自己點樣去溝通 你需要了解自己既諗法 同你另一半交流接洽昇華改變

*PS: 好長時間無寫文章 思緒亦遠遠唔及年輕時敏感 需要時間培養返

我希望以後可以兩星期就睇一套電影 同埋寫返review

呢段評論都好好睇
http://movie.douban.com/review/5197450/#!/i!/ckDefault